tungkol sa nagsusulat

Guro ng Filipino. Adik sa pagsasaliksik. Di raw nakakausap kapag naggigitara. Naniniwala sa mahika at grasya dahil sa mga nangyayari sa kaniyang klase at kusina.

Friday, November 1, 2013

Ilang pantig ang "MGA"?

Pinag-usapan kamakailan sa grupo ng mga guro sa Facebook.  

TANONG:
Mga kasamahan ko po sa pagtuturo ng wika, nais ko lamang po sanang maliwanagan, Ilang pantig po ba ang salitang "MGA"? Ayon po...(sa) ibang aklat, isang pantig lamang ito habang iba naman ang nakasaad sa mga aklat at mga kasamahan. Ano po kaya ang sagot? Salamat po.

SAGOT: 

Pasensya na po hindi ako sang-ayon na isang pantig lang ito. Ang batayan po ng pagpapantig ay tunog pa rin. At dahil dalawang pantig po ang naririnig natin, dalawang pantig ito.

Dagdag pa rito hindi makikita ang salitang 'mga' sa Vocabulario de la lengua tagala (de Noceda at de Sanlucar 1860). Ngunit naroon ang salitang 'manga' na ang depinisyon ay 'particula de plural' o 'plural particle' sa Ingles.

Ang maaari lang nating maging kongklusyon ay, dahil gamit na gamit ito sa ating pagsusulat, pinaikli na ito. (Katulad nito ang pananaw ni G. Ron Capinding sa kanyang Ikaw at ang Kawili-wiling Wika). Sa ganitong paraan, katulad ito ng 'subalit' na galing sa 'subali at' at ng 'bakit' na nanggaling sa 'bakin at'.

Kaya naman ang depinisyon ng 'mga' sa UP Diksiyonaryo ay 'makabagong anyo ng "manga"'. Malinaw rin sa pagpapantig sa diksiyonaryong ito na binubuo ito ng dalawang pantig. (ma-ngá)

Mabuhay ang mahiwagang wikang Filipino! 

http://www.mts.net/~pmorrow/bayeng1.htm
Posted by at

17 comments:

  1. Unknown10/01/2017 3:42 PM

    Isa lang po talaga ang pantig ng MGA
    Sa pagpapantig, gumagamit tayo ng hypen
    Halimbawa;
    Pag-pa-pan-tig
    At kapag tinry natin ito sa MGA, ang kalalabasan nito ay iisang pantig lang

    Sana po malinawan kayo

    ReplyDelete
    Replies
    1. serpao10/01/2017 8:44 PM

      Salamat po sa paglilinaw.

      Ang tanong ko lang po: bakit kaya hindi mmm-ga ang bigkas natin sa salitang binabaybay bilang m,g,a?

      At bakit kaya po sa mga lumang lathalain ay ‘manga’ ang baybay ng salitang ito? Katulad nitong berso mula sa lumang bersyon ng Ibong Adarna:

      Para-parang nag-aaral
      ang manga anác na mahal,
      malaqui ang catouaan
      nang hari nilang magulang.

      https://www.gutenberg.org/files/16157/16157-h/16157-h.htm

      Hindi kaya pinaikling baybay lamang ang ‘mga’ ng pinagmulan nitong ‘manga’ (ma-nga) na ginamit ng mga tao para dumali ang buhay nila gayong napakadalas gamitin ng salitang ito?

      Delete
  2. serpao10/01/2017 8:25 PM

    This comment has been removed by the author.

    ReplyDelete
  3. Unknown7/09/2018 10:31 PM

    Bakit ka ya Hindi nlng "Ma nga😂

    ReplyDelete
  4. Unknown9/11/2018 1:08 PM

    Naguguluhan ako kung ano nga ba ang talagang tunay na pag pantig ng salitang "mga" subalit mas naniniwala ako na 2 nga ang pag pantig ng salitang ito.😊

    ReplyDelete
  5. Unknown10/04/2018 2:48 AM

    Ang 'siya' po isang pantig lang?

    ReplyDelete
    Replies
    1. Unknown6/26/2019 6:06 PM

      dalawang pantig po, ang pinagbabasehan ng pantig ay ang tunog kaya si-ya ay dalawang pantig

      Delete
    2. Anonymous7/26/2019 8:25 AM

      dalawa po.si-ya

      Delete
    3. Unknown7/11/2021 12:40 PM

      Depende kapag pinaikli, "s'ya", isang pantig. "si-ya", dalawa. :)

      Delete
  6. Anonymous7/26/2019 8:27 AM

    ilang pantig po ang dugo't pawis?

    ReplyDelete
  7. Unknown8/26/2019 6:52 PM

    Ilang pantig po ang IKAW

    ReplyDelete
  8. Unknown9/02/2019 9:24 PM

    kung isang pantig ang mga paano natin ito hahatiin kapag my sukat ang tulang ginawa?

    ReplyDelete
  9. Unknown10/30/2019 7:54 AM

    Ang MGA ay isang pantig lang.maliwanag na ang orihinal nito ay MANGA..subalit pinaiksi na lamang ito sa kasalukuyan at ginawang MGA..kaya sa orihinal ay dalawang pantig..pero sa ngayon ito na ay isang pantig.parang SIYA..Tapos ginawang sya..hindi pwede mag-isa lang ang /m/sa isang pantig at ang /ga/ay di pwede bigkasing /nga/.
    sana po nakatulong.
    -NEU

    ReplyDelete
  10. Ayyang12/02/2020 9:25 PM

    This comment has been removed by the author.

    ReplyDelete

Subscribe to: Post Comments (Atom)